Mat i farta

Går mykje i restemat for tida. Relativ tom lommebok og ønskjet om å ete sunt møtast på ein merkeleg måte. Eg prøvar ut alle moglege kombinasjonar av mat, men dessee her er ikkje så unaturleg som mange av dei andre rettane eg har prøvd.

Laksewrap
1. Varm laksen i ovnen, ca 20 minutt på 200 grader.
2. Sleng saman det du har av salat. Eg brukte isberg, purre, agurk og mais.
3. Varm opp tortillalefse. Eg hadde garlic-versjonen til coop, men den viste seg å brekke veldig lett..
4. Putt salat og laks i tortillalefsa og et.

Pytt i panne
Eg kjøpte fiskepudding på Rema fordi den var billig, og den ga meg middag i mange dagar. Det er mykje som smakar godt ilag med fiskepudding, potetar, potetpos og brødskive var noko av det eg prøvde før eg raska saman det meste av restar og laga denne panneretten.
1. Brukte potetar som var kokt dagen før, skar dei opp i bitar.
2. Skar opp det eg hadde av "steikbare" grønsakar. Brokkoli, paprika, avokado, lauk.
3. Skar opp fiskepudding i bitar på storleik med grønsakane.
4. Hiv alt i ei panne og steik til det er etbart.
(5. Smak til med ketchup og piffikrydder...................)

Happyface?

Spontanitet er ikkje så verst

Små ord kan føre til store ting. Følgjande samtale fann stad på biblioteket under eksamenslesing:
Ingeborg: Eg har lyst på hund.
Lene: Eg har lyst å hente opp MIN hund. Derfor såg eg på leiligheter før sommeren, men det funker ikkje å ha Theodore i en leilighet.
Ingeborg: Måtte nesten hatt et hus då...
*www.finn.no*
http://www.finn.no/finn/realestate/lettings/object?finnkode=44384406
*Ringer Frode*
Frode: Vi e lætt me! Ska æ ring no?
*Visning*

FÅTT OSS HUS!!!!!

Her skal eg bu i landlege omgjevnader, med stue og oppvaskmaskin! Saman med Frode, Ingeborg og Ørjan. Gler meg sjukt! Faktisk er det så stort at eg i nesten to dagar klarte å vere skikkelig lukkeleg, og det er svært lenge sidan. Så eg trur dette kan vere starten på noko bra!
Vi flyttar nok inn i byrjinga av november, og det skal bli så kos! Etter jul er planen at Theodore skal bli trøndar, og det er så uvirkeleg at eg nesten ikkje trur det endå. I tillegg skal vi ha katt(ein eller to), men dei skal ikkje vere mine når eg flyttar til Tunes att.

                                                          Godguten skal bu med meg.

Travelt

Ellers går det i eksamenslesing for augeblinket, har eksamen i Husdyrbygg i morgon.

Mange har haustferie, men vi er så heldige at vi har forelesningar som normalt. Det vil seie at eg går glipp av ei forelesning for å ta eksamen... Svært mykje å gjere for tida, innleveringar, praktiske oppgåvar, framføringar osv. Held på å teikne eit sauefjøs på dataprogrammet Archicad, dette er eksamensoppgåve som skal forsvarast munnleg i november. Før den tid har vi eksamen i Ledelse og entreprenørskap, og så startar vi opp med nytt fag neste veke(Statistikk) som gjer at vi ikkje tek juleferie før 16.desember. Det er ikkje så veldig seint, eg er klar over det, men det er heile ti dagar etter munnleg eksamen i Storfeproduksjon. Men det er jo kos med desember uansett kor ein er, og i nyhuset skal det bakast, drikkast gløgg og pyntast juletre.